طبعا زي ما أنتم شايفين كل الصور حطب ونار . أكيد عرفتوا الموضوع من عنوانه .
رحلة برية , الرحلة كانت ممتعة واحلى ما فيها تجميع الحطب والجلسة حوالين النار .جمعنا كل ما هو يابس . كلش إلا الجلسة في البرد . بس واحنا نلف ونجمع أخذت صورة للشجرة المسكينة . الشجرة المعطاء ( إحمممممممم حصة تعبير ) . فروعها مكسرة واحنا نترحم عليها لقينا حياة جديد تبزغ من الارض رغم الجفاف .....سبحان الله .بزوغ حياة جديدة .
ترتيب الحطب ...........على النار .
أول ما جاء المغرب .....طوالي ولعناها لا نضيع الحطب في الطلام ويروح التعب خسارة .
أخذنا التميرة تتدفا ونحس فيها بطعم وريحة النار البرية .
ما يحتاج أكثر الهذرة . يما حلاة الجلسة حوالين النار وريحتها .
شاهي وقهوة وتميرة حول النار ........فله .
في هالجلسة جتنا مفاجئات مرررررره حلوة وما تنسى . أحكيها لكم الحين.
جالسين في أمان الله .........هب فجأة أحد صرخ من اخوف ونلاحقه !!!!!
الا بنشوف .......
كل الشلة وراااااااااااااااه ركض . فجأه دخل تحت الشجره وراح خسارة , بس ما نخليه
ويالله حجرنا عليه تحت الشجره وكل واحد يسحب ذيلة من جهة والمسكين يهرب يمين وراااه
يسار ما فيه فكه ....محاصر من الجهات الاربع .
المسكين ما صدق خبر ودخل في حفرة صغينونه تحت الشجره وصارت الشلة تحفر بكل عود تلقاه.
ما فيه فايده . رجعنا وتحلقنا حوالين النار .
بس هو مصر إلا نصيده ويطلع مره ثانية ونلحقه ونحفر. بس هالمره غيرنا أدوات الحفر.
على بالنا تطورنا .
شفتوا أدوات الحفر ............ملعقة بلاستيك .
وأخيرا أحد الشلة جاب فكرة الموية ويالله سبحناه .
لا يروح تفكيركم بعييييييد ... ترا هذي موية مهوب شي ثاني ..
وأخيرا حجرنا عليه ......... ونصيده بذيلة وطيران على الشلة صدناه
ومين اللي ماسكه بذيله ؟
حضرتي طبعا . مغامرة .
هذا شكله مقلوب رأسا على عقب . صاير راسه محيوس .
فجأه !!!!!!!!!!
من الجالسين وبصرخة روعتني ..........تراه مهوب ؟؟؟؟؟؟؟؟؟؟؟؟؟؟؟
تتوقوعون ليش صدناه ؟ وش كنا نتوقعه ؟
صح .
حربوع ... لكن فرحتنا ما تمت صار جرذ بر مهوب جربوع . والكل غسلوا بديتول وصابون
وما خلينا شي الا وغطسنا يدينا فيه .
وحطيناه على الأرض وما زال مصر ورجع عند النار ويدور حوالينا بس ما صدناه .
وطبعا من خلال الحفر وأدوات الحفر والمعرفة التامة بالجرابيع ............
عرفتوا مين الشلة اللي صادتة ...
نحن البنات . واضحة أكيد من الملاعق .
لكن ما زلنا مصرين على الجرابيع ونركب الصالون مع أخوي والمبزرة
ونصيد لنا كم جربوع .
تعرفوا عليهم ...............
الأول .
الثاني .
واللي صدناهم خمسة
وهذي أول ماشفنا إنها أنثى أطلقناها . طبعا وراها بزارين ترضعهم .
إذا بغيتوا تروحون البر مثلنا وتجربعون ولا عندكم نية تصيدون ضبان .........
خذوا موسوعة الجرابيع والضبان عشان ما تصيدون شي ما يصلح .
إذا معكم أحد يقول لكم ..... زين .
بس المشكلة لو صدتوا شي ويااااااااااااااااي كلتوه .
اكشتوا جنب المستشفى .
