ليش هذا حكر على الأطباء بس .؟؟؟؟؟


حنا يالموظفات والمعلمات وكذلك الرجال ممنوع نفتح محل ولنا وظيفه ؟؟؟؟؟؟؟؟؟؟
كذلك العسكريين . الويل والثبور لكم . تبون تفتحون محل ..........افهموها من تحت لتحت .
يكون باسم أمك أو جدتك أو بنتك ولا حتى إذا لك ولد في سن قانونية ولسه يدرس .
تقدر تاخذ قرض بهالطريقة.
هذي معروفه وما فيها جدال.
يعني أنا معلمة أحب الأعمال اليدوية والأشغال الفنية وعمل الإكسسوارات ، أبغى أفتح محل وأعرض فيه ، الكل يقول ممنوع مالك إلا البازارات أو المشاغل.
الله ياذا البازارات اللي تاخذ إيجار الطاولات وما ترجعه ولا حتى حق التعب.
طيب دوري لك مندوبة .
ما أبغى مندوبة لانها أولا تاخذ حقها وحق السواق ، يعني كأني أصلح عشان كد عليهم .
أنا أبغى أشغل وقت فراغي .
يعني أنطق وأصلح وأهدي وأبيع بالمدرسه اللي ما يشترون أكثر من إنهم يتنحتون بوقت الفراغ.
نرجع للمشكلة وهي ليه ممنوع عنا العمل الإضافي اللي نتحمل مسئولية تكاليفه .
أما الأطباء تجينهم في عياداتهم الخاصه أو عيادات لغيرهم يشتغلون فيها مسائي و إذا قلت له يا دكتور في أي مستشفى حكومي أنت تداوم عشان أجيك أقل مصاريف ؟ قال في الفلاني والعلاني وكلها ما شاء الله عليها الكلام   . السؤال ....
 ليه ما يكون مسموح لنا زيهم نشتغل مسائي سواء المحل لنا أو نشتغل عند أحد حسب ما نرغب بشكل رسمي وما يكون من تحت لتحت .
abuiyad