كنا نتمشى بالسيارة في حديقة اليزابيث في فانكوفر .........إلا وهذيك الشجرة اللي شدتني وبلقافة الحريم استوقفتني . ياهي جابت لي العيد من الخرعة اللي سوتها لي بعد مادخلت تحتها عشان أصورها .
جاني نفاضة كأنها من وحوش الأفلام . بس شسوي حريم واللقافة .....................
صور من الشجرة الصنوبرية .
وتستمر لقافة الحريم في التصوير :
المشهد الثاني ..................
كنت رايحة على قولتهم (شوبينق ) اتسوق في مركز الباسيفيك سنتر
Pacific centre كل يوم أروح له وأدخل مع البوابة الرئيسية والسوق تمام كل شيئ حلو .
إلا ذاك اليوم اللي أدخل مع نفس البوابة وأتفاجأ بذاك الشمحوط ،
الشمحوط هذي الله يسلمكم كلمة تقال للطويل والطويلة من البشر .
وتستمر لقافة الحريم وهاتي ياتصوير من الأعلى والأسفل وكاشخة بوريه العائلة الموقرة .
أجيبه لولدي وأوريه إياه إلا يوم بغى ينصرع . الله يهديك وش مصوره ؟؟؟؟؟؟؟؟؟
عادي لقيته في بوابة المرك قلت أكيد عندهم مهرجان أقمشة ولا أزياء ولا يمكن صاروا ينا بازار في كل مكان . أكيد شئ مهم .
قال لااااااااااااااااا هذا شعار ( الشواذ ) من الرجال هذا الأسبوع خاص لهم مهرجان اللي هم طبعا يسمون المثليين .
والله جتني صدمة . بس قلت خليه عشان الناس اللي تشوفه تعرفه ما تصير لقافة بدون ثقافة .
مخلوقات غريبة في الحديقة ؟
واحنا في حديقة ستانلي Stanley park
جالسين قدام محل لبيع التذكارات والملابس إلا وذيك البنية الشقراء توقف ومنبهرة من شي وأبوها يضحك
وهي تقول واتسذات واتسذات ? Whtat's that
طبعا هي شايفة شي أول مره تشوفه بحياتها اللي هو البعبع على حسب ما تخيلت المسكينة
كنت أنا وبنتي رايحين متحجبين بالنقاب للحديقة بس هي ما استوعبت الفكرة وانبهرت من الموقف
اخليكم مع صورتين لهالبنت وهي فاقة خشتها من الروعة .
She was surprised when she saw us in the park completely covered ,but her father was funny and cute to let us taking some photos for his daughter .
